香港新浪網 MySinaBlog
« 上一篇 |
| 28th Jan 2012, 12:11 | 肺話多講 | (26 Reads)
某啲人成日擔心如果無左大陸呢個大靠山,香港仲可以點樣生存。所謂人無千日好,花無百日紅,就算中國日日打補針撐住經濟增長,響可見將來都難免有衰退之時。正如香港自己都必然有其經濟周期,盛衰興替乃大自然定律,任何人為外力都難制止。事實上,相比歐美,中國自身要急於面對同解決嘅問題亦不惶多讓:外需大幅減少而內需遠遠追唔上、地方超巨額呆壞賬、幣值同貪腐問題等令政策長期失效、貧富嚴重不均加深城鄉隔閡社會不穩、教育停滯不前令人口優勢無法轉型及延續從而削弱競爭力等等。對於自稱國際金融中心嘅香港,如果呢啲咁簡單嘅道理都唔明,以為食住大陸條水日日招待自由行就可以高枕無憂,就真係枉稱係香港人。

香港開埠短短百年,經濟大型起伏已經十隻手指數唔晒,經濟周期越黎越密,以前十年一個興衰,到而家兩三年一個,早應該見慣見熟,以前受英國佬訓練有素,天跌落黎都一切如常,繼續努力工作,失業就進修下然後再戰職場,搵少左就睇少兩套戲食少次自助餐,難捱嘅日子過去左又係新嘅一個好時代。而家香港最大嘅問題係,上層制訂政策嘅人太無知短視,對長遠發展一籌莫展一事無成,掌握大部份資源而只為少數既得利益者服務,同時越黎越多香港人被潛移默化有事就靠大陸,磨蝕克服難關嘅信心,閹割自我修復嘅能力。越靠近大陸,呢種無能化嘅趨勢只會越明顯,香港人只會越黎越抬唔起頭,為世界作出嘅貢獻亦會越黎越少,直至「香港人」呢個優等族群唔再存在,變成被蝗虫完全溝淡稀釋嘅普通中國奴民,世界亦會正式忘記香港呢個城市。

係時候醒嫁喇,香港人!襯殖民時代記憶猶在,我哋要盡快從呢個垃圾政府手上搶回話事權,重拾昔日嘅強悍自信,令東方之珠再閃光芒啦!